كل مشكلة و ليها حل علمي !! و اتعلم كويس عشان تواجه مستقبلك كويس !! جمل بنسمعها كتير .. لكن المشكلة ان محدش علمنا ازاي نطبق العلوم اللى بندرسها بشكل صح لحل المشكلة او لسد احتياجاتنا الفكرية و الحياتية ..
انما فى استراليا و تحديداً جامعة Queensland الاسترالية .. بيعلموهم ازاى يطبقوا العلوم اللى درسوها و بالأخص الرياضيات و الفيزياء فى حل المشاكل اللى بتقابلهم يومياً فى الحياة بشكل عام
من خلال كورس اسمه : Question Everything: Scientific Thinking in Real Life
مش بس كده .. جامعة Queensland قررت تقدم نفس الكورس اللى بيتم تدرسية للطلبة هناك #مجاناً .. و اياً كان مكانك .. مش محتاج اكتر من انترنت و الجهاز اللى انت قاعد عليه دلوقتى ^_^ #ملكش_حجة
الكورس مدته 8 أسابيع و مش محتاج منك اكتر من ساعتين ل 4 ساعات أسبوعيا .. الكورس ابتدأ يوم 12/7/2016 و مكمل لحد 30/8/2016 ” لازال الانضمام متاح لية ”
الكورس : https://www.edx.org/course/question-everything-scientific-thinking-uqx-query101x
الكورس معتمد بشكل اساسي على استخدام الرياضيات و الفيزياء و باقي العلوم .. لعرض المشكلة و السعي لحلها من خلال الخطوات دي :
• معرفة البيانات المتاحة وازاي تطلع منها باكبر استفادة
• ازاي من خلالها تقدر تستنج كذا حل لنفس المشكلة او حلول لكذا مشكلة بتواجهها و شاغلة تفكيرك
• ازاي تفرق بين البيانات الحقيقية الكمية و النوعية عشان تعرف تبني عليها ادلة واضحة لحل المشاكل
• ازاي تعمل تجارب على كل الحلول اللي استنتجتها و تواجه اي مفاهيم خاطئة شائعة
