اللى مريتم بيه السنة دي مش قليل ! و اللى حصل من اول يوم ف امتحانتكم غريب ! و نظام تعليم و تقييم أغرب ! عشان كده .. دول 10 حاجات ممكن ” لازم” تعملوهم و أنتم مستنين نتيجة الثانوية العامة
1) ساعد نفسك تحدد أهدافك و تحدد ميولك لمستقبلك المهني اللي حابب تكمل فيه و لاقي فيه شغفك و هتفضل تسعى فيه لحد ما تنجح و متملش منه ؛ و تقدر تستعين بالمواقع دي عشان تحدد إهتماماتك و مهاراتك و المجال اللي انت مستعد تشتغل فيه
CEB global , morshed , about
و ممكن تطلب المساعدة من أهلك و قرايبك و اي حد تثق فيه و شايف انه فيه شبه منك عشان يساعدك تدرب و تتعلم في الطريق اللي انت عايزه.
2) لو طلعت مهتم بكذا مجال حاول تقسمهم في (عمل تطوعي – موهبة – تدريب – مهنة ) و رتب أولوياتك من حيث خبرتك في كل نقطة منهم و من حيث اهميتها لمستقبلك .
3) وسع شبكة علاقاتك الاجتماعية … احضر ايفنتات كتير و يا سلام لو في المجالات اللي انت بتحبها .. تواصل مع ناس شبهك في شغفك و إهتماماتك .. اتعرف على ناس إيجابية و متفائلة .. عن تجارب كتير قبلك هما دول اللي بيزوؤا لقدام ^_^
4) دور على كل الاماكن اللي ممكن تدرس و تتعلم فيها الحاجة اللي بتحبها (كلية – معهد – كورسات – ورش عمل – online ….. )
وحاول تربطهم ببعض أكاديمياً و تطبيقياً
5) متستناش النتيجة و متحطش امالك عليها .. و انها دي النهاية اللي هيتحدد عليها مستقبلك !!
دي مجرد محطة من محطات مستقبلك .. و اللى لازم تبقي واثق انها رزق و ان ربنا كاتبلك باقي رزقك في حتة تانية بس انت اعمل اللي عليك و اسعى صح و ربنا هيعينك #عافر_هتوصل .. و الاهم انك تاخد قرار انك مش هتضيع وقتك في كليه مش حاببها او هتنشغل بيها و تهمل مهاراتك لحد ما تتضعف .
6) حدد نقط ضعفك و قوتك في كل موهبة و كل مهارة .. و حدد هتشتغل ازاي هتشتغل عليهم لتنميتهم
7) مرن نفسك على الالتزام بتنظيم عالوقت و قسمه بين تعلم حاجة جديدة يوميا على النت و تدريب على تنمية مهارة معينة و ممارسة هواية خاصة و متنساش واجباتك الاجتماعية و الدينية.
8) اتعلم لغة جديدة .. هتفتح دماغك كتير بعد شهور الحشو اللي كنت بتتعرضلها و هتساعدك في تنمية نفسك كويس جدا .
9) اتعلم photoshop & marketing اونلاين ؛ هينفعوك جدا مهما كان المجال اللي هتقرر تكمل فيه .. هيساعدوك تطور من نفسك و تبقى دايما متميز.
10) جهز نفسك لمواجهة الأزمات و دايما خليك مستعد بخطة “ب” او “ج” و حارب خوفك و متستسلمش للتوتر.
