منحة Chevening للدراسة فى بريطانيا

0 2٬695

اية رأيك تسافر بريطانيا تكمل دراسة هناك و تاخد مرتب 15000 الف جنية شهرياً ؟ ^_^
و هي دي محتاجة سؤال !!! أكيد موافق بس طبعاً هتتلع منحة لبتوع طب و هندسة و احنا يا عيني علينا .. لا لينا مكان فى مصر و لا بره مصر 🙁 #مزيكا_حزايني_فى_الخلفية

لا متقلقش .. دي تشيفيننج ^_^
لا تصدق اطمنت .. اية “تشيفيننج” دي ياعم ؟!

ده برنامج منح بتقدمه الحكومة البريطانية وهو أقوى برنامج للسفر بريطانيا للدراسة

طيب إيه مميزاته ؟
ج: في حالة قبولك للمنحة, الحكومة البريطانية بتتكفل بمصاريف الجامعة كاملة ومصاريف السفر و إجراءات الفيزا وبتديلك مصروف شهري حوالي ١٢٠٠ استرليني “١٥ ألف جنيه مصري” عشان تغطي بيهم مصاريف السكن والاكل …

إيه الشروط؟

– تكون متخرج من جامعة وبتقدير جيد عالأقل.

– تجتاز اختبار اللغة الانجليزية وهشرح ازاي بالتفصيل في الآخر. بس الجميل إن معاك لغاية 15 يوليو 2015 عشان تجيب الدرجة المطلوبة في الامتحان.

– تكون اشتغلت سنتين والشغل ده مش شرط يكون رسمي بمقابل مادي ممكن يكون شغل تطوعي او انشطة طلابية فى الجامعة “يعني خبرة سنتين حتى لو عمل تطوعي”

– متكونش سافرت على منحة لبريطانيا قبل كده ولا معاك جنسية بريطانية.

طب إيه التخصصات المطلوبة ؟

Politics and International Relations
Law and Human Rights
Communication, Media and Journalism
Economics and Finance
Public Policy
Development Studies

يعني كليات .. ( تجارة – حقوق – اقتصاد وعلوم سياسية – شريعة و قانون – صحافة وإعلام – … )

طيب أقدم ازاي و فين ؟

أول حاجة تبدأ تقرأ عن الموضوع وتسجل عالموقع عشان تبدأ تملى استمارة التقديم
كل التفاصيل و طلب التقديم: http://www.chevening.org/apply/
اللينك اللي فات فيه كل ما يتعلق بعملية التقديم …. ركز فيه

تاني حاجة تبدأ تشوف الجامعات اللي نفسك تروحها وهل فيها برنامج ماجستير في التخصص بتاعك ولا لأ وتحدد ٣ جامعات عشان تجهز للتقديم فيهم .

تالت حاجة تبدأ تجهز لامتحان اللغة الإنجليزية وانت قدامك خيارين:
١: امتحان:Academic IELTS محتاج فيه ٦ ونص
٢: امتحان: TOEFL IBT محتاج فيه ٧٩
وللمنحة دي بالذات أنا برشح الاول. المنحة بتعترف بالاتنين عادي بس انت كده كده هتحتاج نتيجة الامتحان ده للتقديم للجامعات نفسها فيما بعد وبعض الجامعات هنا مش بتعترف إلا بالامتحان الاول: IELTS

آخر ميعاد للتفديم: ١١ نوفمبر ٢٠١٤

احنا عرفنا معلومات عن المنحة دي عن طريق : Ayman Yacoub
https://www.facebook.com/Ayman.Yacoub

اترك رد

لن يتم نشر عنوان بريدك الإلكتروني.