معاً نصنع المُستقبل

كورس amadeus #مجاني لحجز و بيع تذاكر الطيران

6 1237

تسمع عن amadeus .. !! حتى لو مسمعتش قبل كده .. هتسمع قريب جداً عن وظايف مسؤول حجز تذاكر الطيران في اكبر شركات الطيران والسياحة والفنادق العالمية عشان موسم الحج .. و هتسمع عن Centers بتدي كورسات amadeus بأسعار متوسطها 1000 جنية !!
سيبك من ده كله و ركز عشان دلوقتى قدامك فرصة تتعلم amadeus و انت قاعد فى بيتك #مجاناً .. و تخلق لنفسك فرصة شغل جديدة

خلينا نتكلم الاول اية amadeus ؟
amadeus ده نظام بتستخدمة اكتر من 1200 شركة سياحة فى مصر .. بالاضافه 13 شركة طيران عربية، بما في ذلك شركة مصر للطيران ..
فى حجز و بيع تذاكر الطيران بجانب خدمات التجارة الإلكترونية لقطاع السياحة و حجز الفنادق وتأجير السيارات والرحلات البحرية و وكلاء التأمين.

نيجي للمهم بعد ما اتعرفت على amadeus وعلى الفرصة اللى هتخلقها لنفسك و الخبرة اللى هتنضاف ليك .. الكورس ده :
https://www.youtube.com/playlist?list=PL0hGle3HWRn1yrzB8ofclX5_3hnRx49HV

عبارة عن 45 فيديو مدة كل واحد فيهم حوالي ( 8 دقائق ) .. هيبدأوا معاك من البداية (شرح لعروض رحلات الطيران) لحد ما توصل لمستوي الاحتراف (عمل وثائق التأمين من شاشة الأوامر) .. المميز فى الكورس انه بيتناول شرح الواجهتين الخاصتين ب amadeus
واجهة الاوامر و واجهة الجرافيك

كده #ملكش_حجة .. لو كل يوم ذاكرت فيديوهين يعني اقل من نص ساعة يومياً .. هتخلص الكورس كامل فى اقل من شهر .. وانت قاعد في بيتكم بتاكل كنافة و قطايف و من غير ما تدفع و لا جنية

اما فى حالة انك قررت تأنتخ و تقضيها فرجة على مسلسلات رمضان .. و برامج المقالب .. وتستني لحد ما الوظيفة تجيلك لحد عندك ..ف صدقنى هتستني كتير و هيفوتك أكتر

6 تعليقات
  1. زهران يقول

    مجهود محترم جدآ منك والله وبحس إنك شغال لوحدك هنا

  2. abdlerhman owimr يقول

    جزاك الله خيرا

  3. عصام يقول

    جزاك الله خيرا

  4. islam ahmed يقول

    شكرا على الفيديوهات و انا ازاى ممكن اعرف ان الكورس ده معتمد ولا لا

  5. يوسف الصحبي يقول

    شكرا لك ,,,,,
    بالتوفيق للجميع

  6. حمد ابوبكر يقول

    جزاك الله خير الله يبارك فيك وشكرا

اترك رد

لن يتم نشر عنوان بريدك الإلكتروني.