كمل دراسة في الجامعه الامريكيه الـ AUC #مجاناً .. بالاضافة لمرتب 1500 جنية شهرياً

19 2077

أية رأيك لو تكمل دراسة في الجامعه الامريكيه الـ AUC .. وتاخد مرتب 1500 جنية شهرياً كمان ؟ ^_^

– أنت بتتكلم جد ؟!

ايوة .. و ركز معايا فى الموضوع ده .. علشان دى فرصة مش بتكرر.

ال AUC PRESS ده دار نشر و أبحاث تابعة للجامعة الأمريكية فى مصر .. بيعلموا كل سنة Professional Training Program برنامج تدريبى لأى حد من خارج الجامعة الأمريكية فى أى كلية أو معهد مصريين أو أجانب علشان يتدربوا فى أى من المجالات الأتية :

1. Editorial
2. Design and Production
3. Sales
4. Customer Service
5. Marketing
6. Finance
و السنة دي زودوا المجالين دول:
7. Royalties
8. Contracts and Rights

ال PDF الرسمي من موقع ال AUC PRESS : http://www.aucpress.com/images/PTP2016.pdf
السنة دى التدريب مدته 9 شهور هتبدأ بإذن الله فى 15 سبتمبر 2015 و تنتهى فى 30 يونيه 2016 ..
كل متدرب هياخد 1500 جنيه “مقابل شهرى ” .. بالاضافة انك هتاخد شهادة معتمدة من الجامعة الامريكية بعد انتهاء الدراسة .

و شغلك هيكون Full time يعنى من 9ص ل 5م مثلاً أو على حسب مواعيدهم، إجازاتك هتاخد لو رسمية + 10 أيام Casual

طيب أيه المطلوب ؟!
يكون معاك شهادة من أى كلية من أى تخصص ..
و بتتكلم أنجليزى كويس ..
و عاوز تتدرب فى أى من المجالات اللى فوق دى ” مش لازم يكون ليها علاقة ب مجال دراستك 🙂 ”

أخر ميعاد للتقديـــــــــــــم : 1 سبتمـــــــبر 2015
لسه فى وقت متبعتش أوراق أو حاجه إلا لما تبقى جاهز ،، صور شهاداتك و ظبط ال CV و شوف هتقول ايه و بعدين ابعت

حضرتك هتعمل Cover Letter تكتب فيه انت بتعمل ايه فى حياتك و عاوز التدريب ليه و ايه المجال اللى عاوز تتدرب فيه ..
و تبعت السيره الذاتيه و أى شهادة حصلت عليها

و ماتنساش تكتب أنت فاضى امتى و هل تقدر تلتزم ولا لأ..
و أكتب أى شىء له علاقة بيك.

*** يعنى ايه Cover letter ؟!
اقرا الموضوع ده : http://mshmshvalley.com/?p=1258

أبعت السيره الذاتيه و ال Cover Letter و الأوراق أو الشهادات كاملة بالإيميل لـ :

Ms. Angela Hafez
The American University in Cairo Press
e-mail: angelah@aucegypt.edu

يعنى حضرتك تكتب فى ال Subject :
AUC Press Professional Training Program Application
و تكتب فى الموضوع
Ms. Angela Hafez,
و تكتــــــــــــب بقى ال Cover letter زى ما قولنا
و تقفل الإيميل
Yours,
أو Kind Regards,
أو زى ما بتكتب

———————————————————–

وادي المشمش | معاً نصنع المُستقبل

قد يعجبك ايضا المزيد عن المؤلف

19 تعليقات

  1. عليا محمد غريب يقول

    ابعت السى فى بتاعى على ايه بخصوص الدراسة بالجامعة الأمريكية

  2. ahmed adel يقول

    هما بيدرسو فعلا ال sales &Customer Service&Marketing&Finance بس مش فى العموم فى مجال الكتب بس

  3. Azza يقول

    هل يوجد في هذا البرنامج التدريبي تدريب خاص بالموارد البشرية “HR”

  4. Dina يقول

    تصحيح بسيط إن الايميل مش هيكون موجه ل Mr. Neil Hewison لكن هيكون لDirector of the AUC Press – Dr. Nigel Fletcher-Jones

    وده اللينك الخاص بالبرنامج 2014/2015: http://www.aucpress.com/images/PTPAUCPress2015.pdf

  5. Toqa ashraf يقول

    أنا داخلة أولي ديكور و مش فاهمة بصراحة شروط المنحة هو ينفع أقدم فيها وﻻ ﻻزم تقدير وﻻ المنحة دى لما أخلص دراسة !

    1. Mohamed Nagy يقول

      للآسف يا تقي .. المنحة خاصة بالخريجين
      تابعينا و ان شاء الله تناسبك فرصة أفضل .. 🙂

  6. amiramohammed fadl يقول

    الدراسة هتكون بالانجليزي ولا بالعربي

  7. rania يقول

    انا من اسكندرية ينفع ادرس المنحة دى

  8. nanosa يقول

    مفيش فرع فاسكندريه؟

  9. Basma يقول

    هل هي متوفرة حتى لغير المصريين ؟؟
    وبالنسبة للEnglish هل مطلوب مستوى معين ؟

    1. Mohamed Nagy يقول

      نعم متاحة لغير المصريين 🙂
      المستوي المطلوب لل English : very good

  10. Osama refaat يقول

    يعنى اتاخرت عشر ايام راحت على الفرصه دى..لعله خير

  11. hayam mohamed elzakzouk يقول

    انا مدرسة كمبيوتر ونفسي اخد اي تدريب علشان اقدر اترقي في عملي ممكن تساعدوني

  12. esraa يقول

    نفسى اتكلم انجليش كويس جدا بس اون لاين

  13. ahmed zaky يقول

    المنحه دى ساريه لحد دلوقتى؟

  14. اسراء احمد الجوهرى يقول

    هو لسه متاح المنحه دى ؟

اترك رد

لن يتم نشر عنوان بريدك الإلكتروني.