عندك فكرة ومحتاج تمويل ؟

0 51

عندك فكرة مشروع جديدة … بتفكر انت واصحابك في فكرة مشروع هتحل بيه مشكلة في مجتمعك .. بتحلم تنفذ مشروعك علي ارض الواقع .. لكن المشروع محتاج تمويل و محتاج توجيه ومتابعة من حد تاني عنده خبرة .. عملت تطبيق مهم ناس كثيييير هتستفيد منه ومحتاج تمويل لنشر التطبيق  … بتعتبر نفسك من رواد الاعمال .. ياتري تعرف ايه عن تمويل الشركات الناشئة ؟

اول مرة تسمع ان ممكن حد يساعدك في تنفيذ فكرتك !

في منظمات وشركات  بدات تعرف قيمة افكار رواد الاعمال وازاي تستثمر الافكار دي لصالحها ولصالح رائد الاعمال ولصالح المجتمع .. و ازاى الكل هيستفاد من الافكار دي لما تطبق علي ارض الواقع

طيب فين دي وهستفيد منها ازاي وانضم ليهم ازاي وايه شروطها؟

دى انواعها كثير في اللي هيساعدك بتمويل بدون مقابل وفي اللي هيساعدك مقابل نسبة في مشروعك وفيه اللي هيساعدك بالتوجيه والارشاد و يوصلك بالمستثمرين اللي مهتمين بفكرتك و بمشروع شركتك الناشئة

وفي اللي موجود في مصر فقط وفي اللي موجود في مصر والعالم العربي وتقدر تقدم فيها

كل حاضنة اعمال ليها مواصفات مكتوبة علي موقعهم و ازاي هتستفيد منها وايه شروط الانضمام ليها

ومن الحاضنات المشهورة

أيه يو سي فينتشر لاب AUC Venture Lab 

هي تابعة للجامعة الامريكية وتعتبر اول حاضنة جامعية في مصر وهدفها تسويق تقنيات وابتكارات الشركات الناشئة

وتقدر تعرف شروط الانضمام وتوقيت الانضمام ليهم والخدمات اللي بيقدموها للشركات الناشئة من موقعهم الالكتروني

http://schools.aucegypt.edu/business/aucvlab/Pages/default.aspx

فلات 6 لابس Flat6Labs

عندها فرع في مصر وخدماتها كثير وبتستفيد منهم لو اختاروا فكرتك او شركتك الناشئة وتقدر تتابع موقعهم الالكتروني من هنا

http://www.flat6labs.com/?lang=ar

مركز الإبداع التكنولوجي و ريادة الأعمال

وده تابع لوزارة الاتصالات وعندهم برامج دعم تقدر تتابعهم علي موقعهم الالكتروني من هنا

http://www.tiec.gov.eg/arabic/Pages/default.aspx

أكاديمية بداية

تابعة لوزارة الإستثمار بالتعاون مع اكاديمية البحث العلمي وتقدر تعرف شروطهم من موقعهم الالكتروني من هنا

http://www.bedaya.org.eg/Arabic/Pages/Default.aspx

حاضنة الاعمال جســـر

وهي تابعة لمؤسسة مصــــر الخــــير وتقدر تقدم فيها من هنا

http://gesr.net/ar/home-page

حاضنات الاعمال والتكنولوجيا

وتابعة للصندوق الإجتماعي للتنمية

http://www.sfdegypt.org/web/sfd/incubators

حاضنة اعمال اميديست

اطلقت برنامج ريادة الاعمال للشباب تقدر تقرأ الشروط وتقدم من هنا

http://www.amideast-yep.org/ar/

فلات 6 لابس Flat6Labs

موقعهم من أبوظبي من المواقع المهمة جدا وبينزل عليه الحاضنات والمسرعات اللي هتبدا علشان تقدم فيها انت وفريق عملك ومش بس كدة……. انت كمان ممكن تشترك مع ناس تانية من بلاد تانية ومش بس كدة…… ده الشركات بتنزل عليه عروض مجانية لخدماتها تقدر تستفيد منها وتابعهم علي موقعهم الالكتروني من هنا

https://www.f6s.com/
المهم انك تفكر وتطور مهاراتك وتسعي للنجاح وكل ما كان مشروعك جديد ومبتكر وهيفيد غيرك وعندك فريق عمل متعاون تأكد ان فرصتك لتمويل شركتك الناشئة هتكون كبيرة

قد يعجبك ايضا المزيد عن المؤلف

تعليقات

Loading...