معاً نصنع المُستقبل

علم التشفير | cryptography

0 726

خلال الحرب العالمية الثانية .. كان الألمان بيعتمدوا شفرة حيرت البريطانين والامريكان ، واعتبروها سرهم الأخطر اللي بيمكنهم انهم يبعتوا الاوامر والمعلومات لبعض من غير ما يكتشفها اعدائهم ، فكانوا بيعتمدوا على آلات تشفير سموها “انجيما” بتحول الرسائل لحروف مختلفة أو ترتيب مختلف بطريقة معقدة ، وبعدين الرسالة دي بيتعاد ترتيبها تاني للرسالة الأصلية بواسطة جهاز مشابه عند الطرف المستقبل للرسالة ، وكان صعب على أي أحد بيعترض الرسايل دي انه يفك تشفيرها.

وده اللي خلى بريطانيا تكون فريق سري من علماء الرياضيات والشفرات مهمتهم الوحيدة هي فك لغز الانجيما وسمت الفريق
ده ” Hut 8 “و كان من ضمن أعضاء الفريق عالم رياضيات اسمه “آلان تورينج” اللي قدر بعد سنتين من التجارب
والمحاولات المستمرة انه يطور آلة تفك الشفرة في رسايل الألمان ولضخامة الاكتشاف ده اتسمى في وقتها باسم “القنبلة | The
Bomb ” و كان السبب في تمكين الحلفاء من هزيمة النازين في كتير من الاشتباكات الحاسمة ووقف تقدم الالمان فسرع
بانتهاء الحرب وهزيمة الألمان ، وبعد الحرب كمل تورنج العمل على اختراعه لغاية ما وصل لما يعتبر النموذج الاولي
للحاسب الآلي وعلشان كده اتسمى تورنج بـ ” أبو الحاسوب ”

من الوقت ده لغاية دلوقتي تطور علم التشفير تطور هايل وخصوصاً مع حدوث ثورة الاتصالات في العصر الحديث ، ومبقاش مقتصر على المجال العسكري بس ولكن شمل كل المجالات سواء معلوماتية او اقتصادية أو اعلامية وغيرها .

و بقينا بنتعامل مع تشفير معلوماتنا بشكل يومي في كل رسالة ومكالمة بنعملها وفي معظم تعاملاتنا مع النت وده اللي بيخليه أحد العلوم اللي دراستها مهمة لو انت مهتم بعلوم الشبكات والحاسب ، علشان كده حابين نعرفك ان في كورس مهم
هيبتدي يوم 2اكتوبر اسمه “Cryptography “بتقدمه جامعة ستانفورد على منصة كورسيرا .. في الكورس هتتعلم ازاي
أنظمة التشفير بتشتغل وازاي تستخدمهم بشكل صحيح ، الكورس مدته سبع أسابيع ، ومن الكورسات اللي واخدة Rating
عالي على كورسيرا (يكفي ان جامعة ستانفورد هي اللي مقدماها ^_^) وده اللينك بتاعه :
https://www.coursera.org/learn/crypto

الكورس ليه جزء تاني بيكلم عن مهام تشفيرية اكتر تقدم  هيبتدي في سبتمبر 2018 ..لكن تقدر تشوف الكتاب اللي
بيحتوي على المادة العلمية بتاعت الكورس من هنا : http://toc.cryptobook.us

وبما اننا لسه في مود الاجازة ^_^ ففي فيلم اتعمل في 2014 عن الان تورنج و اختراعه اسمه “”The Imitation Game
الفيلم من الأفلام القوية اللي كسبت اعجاب النقاد والجماهير ، واخد جايزة الاوسكار لأفضل سيناريو

تعليقات
Loading...