سبوبة كورسات ال English

0 4٬861

خلينا متفقين ان موضوع ‫#‏كورسات_الانجليزي‬ قلب لبزنس و سبوبة في مصر … فهتلاقي الناس اللى شغالة في التسويق ليه بيتكلموا بمبالغة وهتسمعهم بيوصفوا قد ايه هي مشكلة صعبة انك تتعلم ! و ان الحل السحري هيحصل لما تدفعلهم فلوس كتير ^_^ ..

و بالمناسبة الشهادات اللي بيديهالك “اي مركز في مصر” و يقولك معتمدة وكلام من ده .. ولا ليها اي لازمة ومحدش بيعترف بيها ولا حد بيبصلها .. و الأهم ان و لا حد بيطلبها اصلاً ^_^

عشان كده خلونا نشرح شوية حاجات بسيطة هتساعدك تحسن مستوى الانجليزي بتاعك وتجهز لامتحانات تساعدك على السفر والقبول في منح ( المعلومات دي أستناداً لتجربة : محمد عطية ” مدمن التعلُم 🙂 اللي اتكلما عنه امبارح و اللي حابب يشاركنا بالمعلومات دي ” : https://www.fb.com/mshmshvalley/photos/a.454351308004903.1073741828.454348804671820/733073276799370/?type=3 )

اول موقع ساعدني كتير قبل ما اسافر هو: http://www.engvid.com/
الجميل انك هتلاقي اكتر من شخص بيشرح وتختار اللي بتفهم منه براحتك. وكمان متقسم حسب المستوى

1- للمبتدئين (360 درس): http://www.engvid.com/level/beginner
2- مستوى متوسط (519 درس): http://www.engvid.com/level/intermediate/
3- مستوى متقدم (244 درس): http://www.engvid.com/level/advanced/

ولو بتجهز لحاجة محددة هتلاقي فيه اختيارات سواء مصطلحات او بزنس او توفل او ايلتس او غيره.

اما بالنسبة للسؤال الشهير بتاع ادخل امتحان TOEFL ولا IELTS .. انا رأيي “الشخصي” انك لو متاح ليك الاختيار ف انت تدخلIELTS.

لو قررت تدخل امتحان الايلتس هشرحلك هنا ازاي تجهز نفسك بسهولة جدا
المصدر هيبقى: http://legacy.australianetwork.com/studyenglish/

الموقع ده بس عشان يجهزك انك تبقى مؤهل للامتحان. وهتلاقي انه فيه 3 اجزاء وكل جزء 30 حلقة تقريبا.

1- الجزء الاول : http://legacy.australianetwork.com/studyenglish/se_series1.htm
2- الجزء التاني : http://legacy.australianetwork.com/studyenglish/se_series2.htm
3- الجزء التالت : http://legacy.australianetwork.com/studyenglish/se_series3.htm

لو عاوز توصل لاقصى استفادة من الموقع، هناخد مثال بحلقة.
اللينك: http://legacy.australianetwork.com/studyenglish/s2780367.htm

هتلاقي تحت كل فيديو 3 حاجات مهمة جدا:
1- Download Transcript
ودي فيها كل كلمة البنت بتقولها من اول هاي لحد ما تسلم عليك وتقولك باي في اخر الفيديو.
ف انت تسمع مرة من غير ما تفتح الملف ده ولو سقط منك كلام اسمع تاني وانت بتقرأ. ده هيحسن جزء الاستماع عندك جدا.

2- Download Study Notes
ودي هتلاقي فيها شرح عن الكلام اللي في الحلقة نفسه واللي هتبقى معرض انك تلاقي منه في الامتحان. فهتحسن جزء المصطلحات ومهارات تانية كتير.

3- Download Activities
دي عشان تتمرن مع نفسك على اسئلة ونوع الامتحان

الموقع ده فرق جداااااااااااا معايا ومع ناس كتير وكان هو المصدر شبه الوحيد للتجهيز ومن غير اي كورسات او غيره.

انا خليته جزء من برنامج يومي .. انت كمان اعمل كده .. نص ساعة في اليوم وفي خلال شهر لشهرين هتبقى جاهز للامتحان. #ملكش_حجة

#‏share_فى_الخير‬ متعرفش مين حياته ممكن تتغير بسببك ^_^

اترك رد

لن يتم نشر عنوان بريدك الإلكتروني.