تطبيق memrise لتعلم اللغات بسهولة و مجاناً

0 1٬059

نصيحة كده علي السريع .. بما إن أغلب وقتنا بيضيع واحنا ماسكين الموبايل -_-
في برنامج اسمه Memrise .. البرنامج ده بيساعدك تتعلم اي لغة انت عايزها وبطريقة سهلة جدا و Funny
انا بدأت فيه من اسبوع اتعلم ألماني والحمدلله خلصت فيه دلوقتي 5 lessons ومن غير اي تعب او ملل ^_^ #ملكش_حجة

البرنامج في الاصل هيعلمك كلمات ، يعني هيركز اكتر علي جانب الثروة اللغوية بتاعتك ولكن مع الكلمات هتتعلم نطق كل كلمة ، وكمان بعض القواعد البسيطة ..
كمان طريقة التعليم فيه مش تقليدية ، يعني مش واحد يقعد يرصلك قواعد اللغة وانت تحفظ ، لا في الغالب انت اللي هتستنتج القاعده وتطبقها عن طريق التمارين
الـ lesson الواحد بياخد نص ساعة تقريبا ، براحتك بقي تاخدها كلها مرة واحدة او حتي تقسمها علي عشر مرات 🙂

الجميل فيه ، انك طول مانت في المواصلات او المترو ، طلع الموبايل وعيش عليه
ومش محتاج حتي ورقة وقلم وتسجل الكلمات ، لان البرنامج كل شوية هيجيبلك تمارين تحلها ، ولازم تحل علي كل lesson خمس تمارين عشان تدخل للي بعده ، يعني هتحفظ الكلام غصب عنك 🙂

كل اللي انت محتاجه ، انك توفر نص ساعة بس من الخمس ساعات اللي بتقضيهم علي ابليكيشن الفيس بوك
كل اللي هتعمله انك هتسجل عليه بايميلك او اكونت الفيس بوك ، وبعدين تختار اللغة اللي انت حابب تتعلمها
جربوه ومش هتندموا 🙂

ده لينك البرنامج للاندرويد :
https://play.google.com/store/apps/details?id=com.memrise.android.memrisecompanion

ده لينك البرنامج لـ IOS
https://itunes.apple.com/us/app/memrise-ultimate-memorisation/id635966718?mt=8

ده الموقع علي النت

http://www.memrise.com

في كمان برامج تانية لطيفة زي duolingo .. بس انا حسيت ان memrise افضل ، او ممكن تبدأوا ب Memrise وبعدين تكملوا مع الاتنين

لينك duolingo بردو
http://peq.pw/6

المعلومات دي وصلتلنا من : Ahmed Essam

#share_فى_الخير متعرفش مين حياته ممكن تتغير بسببك ^_^

وادي المشمش​ | معاً نصنع المُستقبل

اترك رد

لن يتم نشر عنوان بريدك الإلكتروني.