معاً نصنع المُستقبل

اية رأيك لو تجرب تفشل !

0 78

الفشل المصطلح اللي بنخاف نندرج تحته باي شكل من الاشكال !! بخاف اجرب احسن أفشل .. و ليه اجرب حاجة وانا ممكن افشل فيها .. علشان كده تلاقينا دايما قاعدين في مكان بيطلق عليه ( منطقة الامان او منطقة الراحة .. الـ Comfort Zone) منطقة الراحة دي احنا بنسميها منطقة وقف النمو .. المنطقه اللي بيقف عندها تطورك .. لانك بتخاف تتقدم خطوة لقدام .. بتخاف تخاطر باي حاجة ودي بتكون على كل المستويات في حياتك ..

واحدة من المقولات العظيمة ( الفشل هو ثمن العظمة ) .. مش بس كده هو كمان العنصر الاساسي لتحقيق اي انجاز ..
اما ” ديفيد كلي ” الخبير في مجال التجديد والابتكار بيقول ( كلما اسرعت في التعرض للفشل، أسرعت في تحقيق النجاح ) فبدون مخاطرة لن تحصل على اي نتيجة مرضية

زي ما قولنا ناس كتير عايشه في منطقة الامان .. نفس الفطار. نفس طريقة اللبس .. نفس طريقة الحياة .. نفس طريقة التفكير…. ماعنديش مشكلة في طريقة الحياة كده اذا كانت بتحسسك بالسعادة .. بس ماقابلتش حد عايش بطريقة مجمده وحاسس بالسعادة ..
هتحس بالسعادة لما تحقق انجاز، لما تكبر وتنمو .. وفي طريقك لتحقيق الانجاز او النجاح هاتخبط كتير في الفشل والاخفاق. .لكن الفشل هو مجرد جزء من الطريق للوصول إلي التميز.. افضل الشركات تعرضت لفشل اكثر من الشركات العادية وهذا ما جعلها افضل .. أكيد هاتعدى عليك أوقات تحس فيها انك فقدت كل القدرة على المواصلة .. بس نصحيتي ليك في الوقت دة بذات.. خد بريك وبعدها نفس عميق وابدأ من جديد .. لان ممكن تكون قربت جداً على الوصول لهدفك ولحلمك .. في مقولة عظيمة بتقول (هل تعرف ما معنى أن يعيش الإنسان؟ معناه أن يشمر ساعديه ويبحث عن المتاعب) لـ نيكوس كازانتزاكيس.. المخاطرة المحسوبة هي اللي هتوصلك لكل حلم اتمنيت توصله لما كنت طفل صغير وشاب في مقتبل حياتك قبل ما المجتمع يحطك في قالب ويجبرك تعيش جواه ويصدرلك كل الافكار اللي على شاكلة ( مش هاتقدر- كان غيرك اشطر- انزل عيش على الارض زينا- و غيرها كتير) كل اللى بيرددوا الكلمات دي هما نفسهم اللي هايقفوا باعجاب وانبهار يحيوك ويسقفولك لما توصل لحلمك ..

تعليقات
Loading...