انت فاكرنى هندى ؟!!

0 2

الهند .. دولة عدد سكانها تقريبا 1.27 مليار نسمة بتعاني من الفقر،الزحمة،الرعاية الصحية التعبانة ،الفساد (بتفكرك بحد)  ^_^
على بداية التسعينات بدأت تظهر صناعة جديدة في الهند .. الـ ” information technology”  IT وكان العائد
وقتها تقريبا  55مليون دولار .. وعلى سنة 2002 صادرات الهند في مجال ال  IT وصلت 6مليار دولار ، السنة دي وصلت  لـ حوالي 46 1مليار دولار مع “حوالى عشرة  مليون شخص شغالين في المجال ده” وأصبحت دلوقتي هي الدولة الأولى في خدمات التطوير الخارجي (Outsourcing) لأكبر الشركات في المجال ده ومش مجرد كده لا الشركات دي برضه بدأت تفتح فروع  في الهند “زي شركة أبل اللي بتخطط انها تصنع أيفون في مدينة بنغالورالهندية بداية من أبريل الجاي ”
غير انها أخدت المركز التاني في العالم في تصدير البرمجيات مع ظهور شركات هندية عملاقة زي (ويبرو)، و(إنفوسيس)
طب ليه العقد دي طيب شوية بتعقدونا باليابان ودلوقتي الهند
بص ملناش دعوة بكوكب اليابان الشقيق دلوقتي لأن نجاحه اعتمد على شوية عوامل مش متوفرة لينا حاليا  ^_^

المهم خلينا نشوف دلوقتي عوامل نجاح الهند واللي احنا كـ “أفراد”ممكن نستفيد منها:
1-الثروة البشرية : ثروة العقول اللي بتسعى كل الدول انها تملكها هي سر تقدم الهند .. وتخلفنا !! لأن الدولة اللي بتعاني من قلة العقول المنتجة  في مجال ال IT مش هتنجح ببساطة .. وعشان كده الدول الأسيوية بتهتم جدا انها تأهل الشباب في المجال ده
في دراسة بتقولك ان أن كوريا الجنوبية بتحتاج إلى 100 ألف من العقول الشابة المدربة كل سنة .. لكن جامعاتها مش بتخرج  الا 48  الف سنوياً
2- التعليم : انتشار الجامعات والمعاهد التقنية هناك بيساعد انه يخرج أعداد كبيرة من المتخصصين في مجال . IT
أظن هنا هتبدأ تقولي اول نقطة وقادرين عليها ماشاء الله العقول عندنا كتير “ده الطفل المصري أذكى طفل في العالم^_^ ”
بس النقطة التانية دي بقى هي المشكلة مش شايف شكل التعليم عندنا ازاي !

عندك حق ..فكرتني باللي حصل وانا لسه فى اولى اتصالات لما دخلت لرئيس القسم اشتكيله من المناهج اللي ملهاش لازمة قالي دي لايحة مناهج الكلية من التمنينات ومنقدرش نغيرها ^_^
لكنك لو ملاحظ ان البديل بقى موجود (التعلم اونلاين) ادخل على جوجل اكتب أي حاجة عايز تدرسها واكتب جنبها
” “MOOCوشوف كمية الحاجات اللي هتظهرلك، بجانب ان المحتوى العربي بالنسبة للمجال ده متوفر بنسبة مش وحشة لاي حد عايز يبدأ (الموضوع بس محتاج شوية ارادة ونبطل نندب حظنا )
كمان في الهند الأبوين ملزمين يهتموا بالطفل من صغره .. وبيحرصوا انه يتعلم كويس لانهم شايفين ان دي الفرصة الوحيدة انه يعيش في مستوى حياة احسن

3- اللغة : الانجليزي هو اللغة المهيمنة على قطاع تقنية المعلومات وهو اللغة الرسمية الثانية في الهند، وكتير من الأوقات
تلاقي الهنود بيكلموا انجليزي مش بتتفرج على افلام ومسلسلات هندي ولا ايه  ^_^
في وادي المشمش هتلاقي الكورسات والفيدوهات والابليكشن الخاصة بتعلم الانجليزي نازلة ترف عليك ، بس خلي بالك
اللغة مهارة مش معرفة وبالتالي محتاجة ممارسة يعني مهما كنت بتتعلم انجليزي وبتاخد فيه كورسات مش هيأثرك معاك
قوي الا لو بدأت تكسر حاجز اللغة اللي بتخاف منه اقرأ كتب او حتى روايات بالأنجليزي، اتفرج على افلام مترجمة
بالانجليزي وبعدين شوية في شوية ابدا اتفرج من غير الترجمة ، اما تدخل تدور على جوجل دور على الحاجة اللي عايزها
بالانجليزي حتى لو اضطرك الأمر انك تقعد تاخد اللي لقيته وتترجمه ، مرة في مرة هتلاقي نفسك بتفهم المحتوى من غير
ترجمة خارجية ، الكومنتات اللي بلاقيها لما نعلن عن كورس جديد على edx ,udamy , courseraاو غيرها يا ترى هومترجم ولا لا .. من فضلك ادخل خده حتى لو مش مترجم في اول مرة يا سيدي قول هتفهم %.5بعدين %55شوية %85 بعد شوية
هتلاقيك بتسجل في اي كورس انت عايزه وانت خلاص مش خايف من اللغة لأنك كسرت الحاجز بتاعها.
4- الحكومات : الحلو في حكومات الهند انها بتشجع وبترعى تطوير صناعة البرمجيات والاتصالات، وبتتبع سياسات اقتصادية و ضريبية خاصة ناحية الشركات دي بتوصل انها بتعفي الشركات الشغالة في المجال ده بالـ خمس والعشر سنين من الضرايب
هتقولي “اه بدأنا نخبط في الحلل ، لأ يا عم حلل ايه هو احنا نقدر ^_^ ” بس كلنا عارفين ان الشغل في مصر في المجال ده ضايع شوية خصوصا في المحافظات البعيدة عن القاهرة لكن الحل برده موجود ” “freelancing وهتلاقي على الوادي بردو اكتر من مقال بيتكلموا عن ال Freelancing  .. اهمهم :

افضل منصات العمل الحر عبر الانترنت Freelancing

 

و مهم جداً تعرف ان هو ده اللي الهند بدأت بيه وان كان على مستوى أكبر من خلال الـ  (Outsourcing ) بمعني ان شركات عالمية بتأجر شركات او مؤسسات جوا الهند تنفذلها أعمالها وده بيوفر للشركات دي الفلوس والطاقة لأن المرتبات في الهند منخفضة وبالتالي بدل ما تدفع لموظف عندها في امريكا او بريطانيا مرتب ضخم ممكن تدفع نصفه او حتى اقل لموظف في الهند
و بالتالي .. كالعادة .. #ملكش_حجة

قد يعجبك ايضا المزيد عن المؤلف

تعليقات

Loading...