الوظايف من 2002 لـ 2020

0 849

العالم كله بيتغير بسرعة رهيبة وبسبب التكنولوجيا الحديثة بدأنا نشوف الفترة الأخيرة وظائف جديدة بتظهر
كل فترة وكمان بتوصل لقايمة أفضل الوظائف المطلوبة حول العالم، السخرية فى الموضوع إن لسا لحد
دلوقتى فى وظائف كتير من اللى بدأت تظهر الفترة الأخيرة ملهاش كليات تقدر لما تتخرج منها تشتغل فى
التخصص ده وبيبقى كل الموجود تخصصات قريبة منها بس او بتكون موجودة كـ جزئية بسيطة فى
تخصصات كبيرة وده بنسبة كبيرة هو السبب ان الوظائف ديه وصلت لقوائم أكتر الوظائف المطلوبة
بالسرعة ديه لأن ملهاش خريجين بشكل مباشر
السبب التانى لظهور وظائف زى ديه هو الـ Career Shiftاللى بدأ الناس تعمله والـ Career Shiftده عبارة
انك تكون متخرج من كلية ما خلينا نقول كمثال متخرج من كلية التجارة ولكن بعد ماتخرجت ملقتش شغل أو
حتى لقيت لكن الشغل معجبكش فبتقرر انك تغير مجالك وتعمل Career Shiftللبرمجة مثلاً وتشتغل شغل
خريجين كليات علوم حاسب، اللى حصل هنا ان واحد معاه المعرفة والخبرة اللى تخص كلية تجارة وبعد
ماعمل الـ Career Shiftبقى معاه المعرفة والخبرة اللى تخص كلية علوم الحاسب والخلطة ديه اللى منها
بدأت تظهر وظائف تانية كتير بتجمع بين أكتر من مجال
بالتالى ظهر عندنا وظائف فى مقال لـ Forbesعن الوظائف اللى مكنتش موجودة من 2002 زى
الـ App Developer | تطوير التطبيقات اللى بدأت مع ظهور الـ IPhoneفى 2007وبعدها فترة قصيرة
زادت مع ظهور الـ Android ورواتب الفئة ديه على حسب مقال الـ Forbesهو 93ألف دولار سنوياً

كمان الـ Market Research أو الـ  Data Miner اللى هى كترجمة حرفية يعنى البحث التسويقى أو التنجيم
عن البيانات وهدفهم بيكون إنهم يحاولوا يستفيدوا من سلوك العملاء فى انهم يساعدوا الشركات تتوقع
الميول المستقبلية للعملاء بتاعتهم وعلى أساسها يبدأوا يشتغلوا عليها سواء فى الإعلانات اللى بيعملوها أو
فى المنتجات اللى بتطرحها الشركة
آخر وظيفة هنقولها من المقال هى Social Media Manager ودي ترجمتها الحرفية مش هتفهمنا حاجة
وحتى معظم الناس اللى شغالينها لما بيكتبوها بالعربى بيقولوا سوشيال ميديا وده طبعاً بسبب ان
الموضوع لسا جديد على معظم الناس وعلى الرغم انها ممكن تبان غريبة بس لسا فى ناس كتير لحد
دلوقتى متعرفش ان بعض الصفح اللى بيشوفها على Facebookأو Twitterأو غيرهم من مواقع التواصل
الإجتماعى يكونوا مسئول عن إداراتها شركات تسويق إلكترونى مسئولة عنها وبيكون ليها رواتب فى مقابل
المحتوى اللى بتترفع على الصفح ديه ورواتب الفئة ديه على حسب مقال الـ Forbesهو 65ألف دولار سنوياً
فى تقرير منفصل لـ World Economic Forum عملوا بحث على 9مجالات موجودة حالياً فى السوق من
أقوى 15إقتصاد فى العالم لقوا ان على سنة 2020وبسبب التغيرات البشرية والتقدم التكنولوجى هيكون
مجموع 5مليون وظيفة انتهت ومش موجودة ومعظمهم من الوظائف الإدارية

world-economic-forum
فى مقال تانى بردو لـ World Economic Forumبيتكلموا فيه عن 8وظايف هتكون كل الشركات بتوظفها
سنة – 2020 يعنى بعد 3سنين بس – تقدروا تقرأوه من هنا :

https://www.weforum.org/agenda/2016/01/8-jobs-every-company-will-be-hiring-for-by-2020/
التكنولوجيا فى تقدم يوم بعد يوم وعشان كدا فى وادى المشمش بنركز أكتر على الجانب اللى هيكون
مشارك بقوة فى المستقبل وهيكون له الأفضلية عن كل الموجود حالياً وبنحاول اننا نديكوا الأفضلية ديو دوركم بيجى فى استغلال المعلومات اللى بنعرضهالكم فى تحقيق مستقبل أفضل ليكم ولمجتمعكم

اترك رد

لن يتم نشر عنوان بريدك الإلكتروني.