أهم 10 مواقع و تطبيقات هتساعدك فى تظبط يومك

1 158

رتم الحياة السريع بقى بيخلينا عايزين نعمل مليون حاجة في اليوم، ولان كتير مننا بيبقى مشتت بين الاساسيات والرفاهيات فـ بيخلص اليوم من غير انجاز حقيقي يذكر !! ..

طيب هتعمل ايه لو كنت بتشتغل كفريلانسر ومعظم نجاحك في شغلك معتمد على حسن تنظيمك لوقتك؟

لو انت طالب و داخل على امتحانات ؟

لو بتشتغل ووراك مسؤوليات تانية زي بيت وغيره؟

الحقيقة ان التكنولوجيا سهلت جزء كبير من حياتنا، التكنولوجيا مش بس ترفيه ومواقع تواصل اجتماعي، في حاجات معمولة خصيصًا عشان تساعدك في حياتك، في المقال ده حاولنا نجمع اهم التطبيقات و المواقع  اللي ممكن تساعدك

الابليكيشنز دي متنوعة .. منها اللي بمهتم بمساعدتك في تنظيم الوقت وتحديد مسؤوليات كل يوم وحاجات تانية كتير:

StayFocusd

إضافة لمتصفح جوجل كروم، بتساعدك تقفل بعض المواقع لفترة زمنية معينة، زي مثلًا لو عايز تشتغل لمدة ساعة بتركيز من غير ما تلاقي نفسك بتروح تفتح فيسبوك او تويتر، الاضافة دي بتعمل بلوك للفيسبوك مثلا فـ متقدرش تفتحه خلال الساعة دي وهكذا D:

Tmetric

ده برنامج بيساعدك تحسب الوقت اللي اشتغلته، مهم للفريلانسرز لان الفريلانسر بيحدد المبلغ اللي هياخده غالبًا بناءً على الساعات اللي اشتغلها، البرنامج ده هيساعده هيعرف هو خد وقت اد ايه في الشغل وحل المشاكل وغيره..

 

Highrise

ده تطبيق بيساعدك تجمع الفريق بتاعك لو بتشتغل مع فريق، وبيسهل عملية نقل الملفات مابينكموغيره، كمان بينظم ويسهل علاقاتك بشكل عام سواء مع زملائك او العملاء.

 

Redbooth

بيساعدك في عملية تنظيم المشاريع بتاعتك، بيفرلك مساحة عمل مع مميزات كتير تساعدك على الاداء بشكل افضل.

Trello

بيساعدك تتنقل بين مشاريعك بسهولة، وتعرف كل مشروع ايه اللي خلص منه وايه اللي فاضل.

 

Rescuetime

بيعرفك انت ازاي قضيت وقتك على الكومبيوتر، ايه المواقع اللي زرتها وقضيت فيها وقت اكتر، وده بيساعدك عموما تعرف وقتك بتقضيه ازاي وتعرف ايه اللي مفروض تقلله وتظبطه.

 

Oh, don’t forget

بيساعدك تحط منبه يفكرك بالمواعيد والحاجات المهمة اللي مش عايز تنساها.

Mint

بيساعدك تظبط كل امورك المالية، وعلى الموقع في مدونة فيها مقالات وملعومات هتفيدك.

 

شيء مهم وضروري لكل الناس ( خصوصا الفريلانسرز) انهم يعملوا قائمة بكل المطلوب منهم،ç

 من أكتر التطبيقات المنتشرة واللي ليها اشكال عديدة، تقدر تشوفهم كلهم وتختار اللي يريحك ويناسبك، احنا هنا هنرشحلك اتنين:To do list

Google Keep

ملاحظاتك والتنبيهات على مواعيدك المهمة كلها تقدر تحفظها هنا.

EverNote

من أشهر التطبيقات واللي بتقدر تحفظ فيه كل البيانات و الملاحظات المهمة.

تطبيقات حفظ المفات والتخزين من اكتر التطبيقات المهمة والمطلوبة خصوصا ليك كفريلانسر:ç

Dropbox

Googledrive

قد يعجبك ايضا المزيد عن المؤلف

تعليق 1

  1. Mark Maher يقول

    Magnificent Article Thank you So much 😀

اترك رد

لن يتم نشر عنوان بريدك الإلكتروني.