كيف تحصل على شهادة معتمدة من افضل جامعات العالم مجاناً

4 10٬113

التعليم فى مصر مش ولابد ! طب و مالوا ^_^ .. فرق كبير بينا و بين جامعات بره !! .. ما احنا عارفين 🙂 .. أعلي مستوي تعليمي “الجامعة” مبقاش يأكل عيش !!! .. ايوة صح ^_^

عشان كده بدأنا مبادرة #الجامعة_مش_كفاية .. فى وادي المشمش من سنة و 4 شهور .. و حاولنا نقدم من خلالها حلول بديلة .. كان أهمها الـ ( MOOCS) و المنصات اللي بتسمحلك تستفيد من الكورسات و المساقات التعليمية للى بتقدمها افضل و اشهر جامعات العالم و انت قاعد فى بيتكم #مجاناً ^_^

لكن الأزمة كانت .. فكرة الشهادة المعتمدة ! و اية اللي يثبت انى درست الحاجة دي .. و اللى تداركتها اغلب المنصات و اشهرها ( Coursera) و بدأت توفر شهادات معتمدة و موثقة من الجامعة اللى خدت منها الكورس ..
و ظهرت هنا أزمة جديدة .. تكاليف الشهادة !! اللي بتبقي بمتوسط 70$ ( حوالي 500 جنية )
لكن اللى انت متعرفهوش انك تقدر تستفيد من اى شهادة معتمدة و موثقة من الجامعة اللى اخدت منها الكورس #مجاناً و ^_^ #ملكش_حجة

بعد ما تحدد الكورس المناسب ليك .. هتدوس على ” Financial Aid is available only for learners who cannot afford the fee. Learn more and apply.” هتلاقيها موجودة تحت ( Enroll ) اللي محددنها بالبرتقالي فى الصورة
شهادة معتمدة مجاناً

هيحولك لصفحة زي الصورة دي .. و بتقدم طلبك .. هيسألك عن متوسط دخلك السنوي .. و بلدك .. و بعدين الأسئلة الاهم انك تبينلهم موقفك المالي و تشرح انك طالب و محتاج الكورس دة لية و هيساعدك فى اية .. و لية الشهادة هتفرق معاك !
طلب شهادة معتمدة
اجابة الأسئلة دي هتكون فى حدود ال 50 ل 300 كلمة .. الأجابات سهلة جداً و موافقتهم مش هتاخد دقايق .. طول ما انت عارف انت بتاخد الكورس لية .. مش فرحان ان فى شهادة معتمدة ببلاش و خلاص ^_^

حاولوا تاخدوا لفة كويسة فى Coursera و قرروا اية افضل كورس فعلاً هيضيف لكم قيمة و الشهادة هتفرق معاكم بجد

‫#‏share_فى_الخير‬ متعرفش مين حياته ممكن تتغيير بسببك ^_^

4 تعليقات
  1. mahasen kamal يقول

    بجد شكرا اضفتوا كتير لحياتى جزاكم الله حير

  2. ѦՊԻ يقول

    شكرا جزيلا

  3. هاله على يقول

    شكرا جزيلا بس علهش انا لسه بتابعكم من فترة قريبة فياريت لو هتلقوا الضوء على حاجة كنتم عملتوها قبل كده تبقوا تعملوا اشارة للبوست عشان الجدد اللى زيى يعرفوا يوصلوله و شكرا …يعنى مثلا ايه هى المنصات التى تمنح كورسات مجانية ؟؟ غير MOCS??

  4. Osama يقول

    كل كلمات الشكر لا يمكن ان تكفي لشكركم على ما تقومون به .. فالف تحية وتقدير ^^

اترك رد

لن يتم نشر عنوان بريدك الإلكتروني.